Bismillah:
Ducadan waa duco uu Rasuulkii Ilaahay (scw) ina baray oo lagag baxayo faqriga inshallah, sidoo kalena kordhinaysa irsaaqada iyo ladnaanta, waxa laga soo wariyey Rasuulkii Ilaahay xadiiskan:
Nin reer baadiye ahaa ayaa u yimid Rasuulkii Ilaahay (scw), wuxuuna uga cawday gaajo, wuxuu yiri: wuxuu nabigu (scw) galay guryihiisii, markaasuu kasoo baxay, wuxuuna dhahay: “Waxba kaagamaan helin guryaha reer Muxamed” wuxuu yiri: Isagoo xaaladaas ku sugan ayaa waxa loo keenay lax la dubay. Qofka kalena wuxuu dhahay: waxa u timid weel ay ku jirto hilib iyo sabaayad (kimis), waxaana la hor dhigay ninkii reer baadiyaha ahaa, markaasuu Rasuulkii Ilaahay (scw) dhahay: “cun”, wuxuu yiri: wuu cunay, markaasuu dhahay: Rasuulkii Ilaahow, waad aragtay waxan i asiibay, markaasuu Ilaahayna gacmahaaga igu quudiyey, ee ka waran hadii ay i asiibto (baahi) anigoon kula joogin? markaasuu Rasuulkii Ilaahay (scw) dhahay: “Waxaad tidhaahdaa: Ilaahow waxaan ku waydiistay fadligaaga (dheeraadkaaga) iyo naxariistaada, maxaa yeelay cid mulkigeeda leh majirto adiga mooyee, sidaas ayuu Ilaahay kugu arzaaqayaa”
[(Musanaf ibnu Abishaybah, juzka 7 aad, bogga 94aad) (waxaana saxiixiyey Sheekh Albaani, silsilada axaadiista saxiixa ah, lanbarka 1543 )]
Hadaba ducada Irsaaqada furaysa ee awdaysa faqrigu waa ducadan, ee ku celceli oo Ilaahay ku bari, inshallah Ilaahay wuu kaa aqbalayaa, waanu kaa dulqaadayaa faqriga iyo baahidabee.
” اللهم إني أسألك من فضلك ورحمتك، فإنه لا يملكها إلا أنت “
“Ilaahow waxaan ku waydiistay fadligaaga (dheeraadkaaga) iyo naxariistaada, maxaa yeelay cid mulkigeeda leh majirto adiga mooyee”