Tafsiirka suuratu Zulzilat:

Suuratu Zulzilat waa suurada 99 aad ee Quraanka, waxayna kusoo dagtay magaalada Makkah, waxyna ka koobantahay 8 aayadood, 39 kalmadood iyo 156 xuruufood. Suuradan waxa la soo arooriyaaa in akhrinteedu u dhiganto quraanka kala badha, ama afar dalool marka Quraanka loo qaybiyo doolkeed oo ah rubuc.

Suurada Zulzilat waxay ka waramaysaa dhacdooyinka waaweyn ee Qayaamaha iyo calaamadaha saacada Qayaame, sidoo kalena waxay si kooban usheegtay in ficilkasta iyo qawlkasta oo bani aadamku la yimaado in laga xisaabinayo, ama khayr ha ahaado ama sharba ha ahaadee.

Fasirka Macnaha aayadaha Suurada:

إِذَا زُلْزِلَتِ الْأَرْضُ زِلْزَالَهَا ﴿١﴾

“Idaa Zulzilatil ardu zilzaalahaa”

Idaa Zulzilatil ardu zilzaalahaa: Marka ay gariirto dhulku dhulgariirkeeda.

وَأَخْرَجَتِ الْأَرْضُ أَثْقَالَهَا ﴿٢﴾

“Wa akhrajatil ardu athqaalahaa”

Wa akhrajatil ardu athqaalahaa: Oo dhulkuna soo saaro culaysyadeeda (Dhulku soo bixiyo maydadkii lagu aasayey quruumo badan).

وَقَالَ الْإِنسَانُ مَا لَهَا ﴿٣﴾

“Wa qaala al’insaanu maalahaa”

Wa qaala al’insaanu maalahaa: Oo uu dhaho Insaankuna maxaa ka siya! (Inaasnku isagoo argagaxsan ayuu dhihi maxaa asiibay Dhulkii?)

يَوْمَئِذٍ تُحَدِّثُ أَخْبَارَهَا ﴿٤﴾

“Yama’idin tuxaddithu akhbaarahaa”

Yama’idin tuxaddithu akhbaarahaa: Maalintaa ayey ka waramaysaa warkeedii (Dhulku wuxuu markhaati ka yahay camalada qofku la yimaado mid xun iyo mid wanaagsanba, waxayna ka warramaysaa camaladii bani aadamku korkeeda ku samayn jiray)

بِأَنَّ رَبَّكَ أَوْحَىٰ لَهَا ﴿٥﴾

“Bi anna rabbaka awxaa lahaa”

Bi anna rabbaka awxaa lahaa: Maxaa yeelay Rabbigaa ayaa amraya (Oo u ogolaanaya inay markhaati noqoto).

يَوْمَئِذٍ يَصْدُرُ النَّاسُ أَشْتَاتًا لِّيُرَوْا أَعْمَالَهُمْ ﴿٦﴾

“Yawma’idin yasduru annaasu ashtaata liyuraw acmaalahum”

Yawma’idin yasduru annaasu ashtaata liyuraw acmaalahum: Maalintaa waxay dadku laaban (ka noqonayaan meesha la isku xisaabayo) ayagoo kooxo ah, si loo tusiyo camalkoodii. (Maalintaas dadku waxay noqonayaan laba kooxood oo kala duwan, koox ehelka Jannada ah iyo koox ehelka naarta ah).

فَمَن يَعْمَلْ مِثْقَالَ ذَرَّةٍ خَيْرًا يَرَهُ ﴿٧﴾

“Faman yacmal mithqaala darratin khayran yarah”

Faman yacmal mithqaala darratin khayran yarah: Qofkii shaqaysta wax la eeg darro (Atom ama walaxda ugu yar) oo khayr ah wuu arki.

وَمَن يَعْمَلْ مِثْقَالَ ذَرَّةٍ شَرًّا يَرَهُ ﴿٨﴾

“Wa man yacmal mithqaala darrtin sharran yarah”

Wa man yacmal mithqaala darrtin sharran yarah: Qofkii shaqaysta wax la eeg darro (Walaxda ugu yar) oo shar ahna wuu arki.